GEERAAR

kani waa geeraar xigmadi ku dheehan tahay oo katarjumaya ama tilmaamaya qabiilo kamida qabiilooyinka soomaaliyeed dhaqankooda,noloshooda iyo suuradooda.

abwaan maxamed maxamuud

qaafo weeye dadkeenu oo

waa qadiimi runtiiyoo

waa dadaan qaldamaynoo

isirkoodu qaloocan

waa dad qoomiyadoodiyo

qabiilkooda kufaanoo

qasab aanay ahaynoo

ruuxna loo qabsanaynin

waa qaneeca dad yeeshoo

qalinkooda anfaaciyo

qorshayaal ku samaystoo

qaran buuxa ahaaday

waa dad aad u qabweynoo

qarsanaaya dhibkoodoo

ruuxkastoo quudhsanaaya

qadaadkay ku dhuftaan

waa dadaad qosolkoodiyo

qaraaxaysiga yaabtid

marka ay qayilaane

qaadka ay cunayaan

qaraamigooda macaaniyo

qaaci bayska tuntaan

waa dad aan qalalaasiyo

qalqalooca jeclaynoo

qaribaynin amaankoo

qabsanaaya dantooda

waa dad diinta quweeyoo

baranaaya quraankoo

qiimaynaaya islaamkoo

quman oo tubta haysta

waa dad xeer qabanaayoo

qudbiyaal dhaqan yeeshoo

qolona aanay gudbaynoo

qadaf aanay galaynin

waa dadaad quruxdooda

quraysh aad umalaynoo

labada qaar iyo tuurtiyo

qadaadkaa yare buuran

waa dadaan qaawanaynoo

qajiloo islayaaba oo

ruux kastoo quumuluudii

ma qarsoomo dhexdooda oo

xadhig ay ku qabtaaniyo

quful bay ku xidhaan

waa dadaan u qushuucin

wixii aan uqalmaynoo

qaradkii aad lahaydiyo

qisadaada nacaaya oo

qaadiro ay qabanayso oo

qawda miiska ka yeedhi

qaniinaayo dubaaboo

qarwayoo lulo hayso

waa dad aad qaxwahooda

qamri aad umalaynoo

liindhanaan la qamiirshiyo

kafaybay ku qasaanoo

koob markaad ka qacsiiso

quruun aanad arkayniyo

jiniyaa kula qooqi